म्हारो चरखो बोले राम
साखी
1- तीन गुणन की बादली , जो तरवर की छाँय ।
बाहर रहे सौ उबरे , भींजे मंदिर माही ।
2- मन पंछी तब लग उड़े , विषय वासना माही ।
ज्ञान बाज की झपट में , जब लग आवे नाहीं ।।
भजन
टेक- म्हारो चरखो बोले राम नाम
भज तोहिरे भज तोहिरे॥
1 . जल ऊपर थल नीपजे थल में कीनो थाप ।
एक अचम्भा ऐसो देख्यो बेटी के जायो बाप ॥
म्हारो चरखो बोले राम नाम
भज तोहिरे भज तोहिरे॥
2 . बेटी बूझे बाप ने मारे अणजायो वर लाव ।
अणजायो वरन मिले तोथारे म्हारे ब्याव ॥
म्हारो चरखो बोले राम नाम
भज तोहिरे भज तोहिरे॥
3 . देवरानी घर मांडोरच्यो तो जिठयाणी घर ब्याव ।
सगा देवर की जान चढ़ी है नणदल फेरा खाय ॥
म्हारो चरखो बोले राम नाम
भज तोहिरे भज तोहिरे॥
4 . रूई पिनावन में गई , सुन पिनारा भाय ।
पूणी पिनारा ने घल गई म्हारे सतगुरु अकल बताय ॥
म्हारो चरखो बोले राम नाम
भज तोहिरे भज तोहिरे॥
5 . चरखो मारो रंग रंगीलो पूणी लाल गुलाल ।
कातण वाली पातली कोई आकाशसोदे तार ॥
म्हारो चरखो बोले राम नाम
भज तोहिरे भज तोहिरे॥
6 . सासू मरज्यो सुसरो मरज्यो मरज्यो घर भरतार ।
एक मत मरज्यो सुथारियो ह्यारे चरखा ने घड़नहार ।।
म्हारो चरखो बोले राम नाम
भज तोहिरे भज तोहिरे॥
7-चरखो- चरखो सभी कहै है , चरखो न खोज्यो जाय ।
चरखो खोज्यो म्हारा साह कबीर ने वाका आवागमन मिट जाए ।
म्हारो चरखो बोले राम नाम
भज तोहिरे भज तोहिरे॥
आपको भजन अच्छा लगा हो या कोई त्रुटि दिखाई देती हो तो कमेंट करके जरूर बताये और blog को follow जरूर करे और आपको लिखित भजन एवं वीडियो social site पर भी मिल जायेंगे तो आप हमें वहाँ भी follow कर सकते है।
YOU TUBE - भजन वीडियो
FACEBOOK - FOLLOW
INSTAGRAM - FOLLOW
TELEGRAM - JOIN
TELEGRAM GROUP - JOIN
TWITTER - FOLLOW
0 टिप्पणियाँ