भजन
टेक- घडिक म्हारा रंग महल में आय
आलम राजा निरत करे ।
बठे बाजे बिछिया की रमझोल
कायागढ़ में रमत मंडी ॥ टेर ॥
1- कौन थारा देवरा में देव
झालर कूट्यां गरज किसी ।
थारे कूटणा में लाव न सुवाद
कूटो भाई कूटो रे मती ॥ १ ॥
2- मरियोड़ा ने रोवे है संसार
रोया रीक्यां गरज किसी
थारा रोवण में लाव न सुबाद
रोवो भाई रोवो रे मती ॥२ ॥
3- थारा मायड़ला ने रंगियो नहीं लिगार
काड़ा रंगिया गरज किसी ।
थारा रंगवा में लाव न सुवाद
रंगो भाई रंगो रे मती ॥ ३ ॥
4- थारा मांयड़ाने धोयो नहीं लिगार
नाया धोया गरज किसी
धोवना में लाव न सुवाद
धोवो भाई धोवो रे मती ॥ ४ ॥
5-कौन थारे जामण जायो बीर
राखी बांदया गरज किसी ।
थारा बांदणा थारा लाव न सुवाद
बांदो भाई वांदो रे मती ॥ ५ ॥
6- कर लो थे सत गुरांजी रो साथ
सायव जी ये सब सुधरी ।
बोलो बोलो सायब कबीर
सुरता आगे नुरता खड़ी ।।
आपको भजन अच्छा लगा हो या कोई त्रुटि दिखाई देती हो तो कमेंट करके जरूर बताये और blog को follow जरूर करे और आपको लिखित भजन एवं वीडियो social site पर भी मिल जायेंगे तो आप हमें वहाँ भी follow कर सकते है।
0 टिप्पणियाँ