1- अरे हिंगलू पाया रो ढाळु ढोलियो,
रेशम रा बिछावना।
जिण पर राजा राम बिराज,
पंछी पाव दबावणा।
सतगुरु आया पावना,
परमेश्वर आया पावना।
आज रे आनंद भयो,
मारा सतगुरु आया पावना।
2- चोका रन्धावु उजला,
ऊपर गिरत गलावणा।
खीर खांड का अमृत भोजन,
संतो ने जिमावणा।
सतगुरु आया पावना,
परमेश्वर आया पावना।
आज रे आनंद भयो,
मारा सतगुरु आया पावना।
3- मथुरा जी में कंस मारियो,
लंका जी में रावणा।
बलि के द्वारे आप पधारिया,
वामन रूप धरावणा।
सतगुरु आया पावना,
परमेश्वर आया पावना।
आज रे आनंद भयो,
मारा सतगुरु आया पावना।
4- अरे अड़सठ तीरथ सतगुरु चरने,
गंगा जी में नावणा।
सतगुरु सरने मीरा बाई बोले,
अरख निरख गुण गावणा
सतगुरु आया पावना,
परमेश्वर आया पावना।
आज रे आनंद भयो,
मारा सतगुरु आया पावना।
आपको भजन अच्छा लगा हो या कोई त्रुटि दिखाई देती हो तो कमेंट करके जरूर बताये और blog को follow जरूर करे और आपको लिखित भजन एवं वीडियो social site पर भी मिल जायेंगे तो आप हमें वहाँ भी follow कर सकते है।
0 टिप्पणियाँ