मारग में रामदेव मिल ग्या गेला में बापजी मिल गया
म्हारी काया ने कंचन कर गया हो बाबा रामदेव
1-पहलो परचो पिता अजमल जी ने दिनों
कुकू रा पगल्या बनाया ओ बाबा रामदेव
2-दूसरों तो परचो माता मेणादे ने दिनों
ओपणतो दूध डबाया हो बाबा रामदेव
3-तिसरो तो परचो बाण्या बोईता ने दिनो
डूबतडी जहाज़ तिराया ओ बाबा रामदेव
4-चोथो परचो लखि बिणजारा ने दिनों
मिश्री रो लुण बना गया वो बाबा रामदैव
5-पाचवो तो परचो पाचू पीरा ने दिनो
मक्का सु कटोरा मंगाया हो बाबा रामदेव
6-हरी का चरणा मैं माटी हरी गुण गावे
म्हाने जूग जूग शरणा राखो वो बाबा राम देव
0 टिप्पणियाँ