बाबा रामदेव भजन
साखी-बाल्डपणा में रामदेवजी मन में ऐक विचारी
मनडे भायो घोडीलो चढ़ ने करू सवारी
भजन
मुखड़ा-ऐ मने घोड़लियो मंगवा म्हारी माँ मैने घोड़लियो मंगवा
घोडे चढ़ ने घूमण जासु घोड़े चढ़ ने घूमण जासू
घोड़लियो मंगवा म्हारी माँ
घोड़लियो मंगवाय म्हारी माँ मने घोड़लियो मंगवा
1-बालपणा में रामदेवजी हटकिनो अतीभारी
कैसे हटकिनो रे बालक सोच रही महतारी
अरे कीकर इणने में समझाउ-2
लाग रही मंन में चिंता
घोड़लियो मंगवा म्हारी मा मने घोड़लियो मंगवा
2-मेणादे सुगना रे साथे दर्जी ने बुलवावे
रामदेवरे खातर घोड़ो कपड़े रो बणवावे
अरे दर्जी मनमे लालच कीनो-2
भीतर गोद भरया म्हारी माँ
घोड़लियो मंगवा म्हारी माँ मने घोड़लियो मंगवा
3-अरे रंग रगिलो घोड़ो नेनो बालक रे मन भावे
लीनी हाथ लगावे बाबो मन ही मन मुस्कावे
एडी लगाई घोड़लिया रे-2
रामदेव आकाश उड़ा
घोड़लियो मँगवाय म्हारी माँ म्हने घोड़लियो मँगवाय
4-जादू रो घोड़लियो म्हारे दर्जी घड़ने ल्यायो
अरे मात-पिता मंन में घबरावे दर्जी केद करायो
दर्जी विणती करवा लागो-2
रामदेवजी कष्ट हर्या
घोड़लियो मँगवाय म्हारी माँ म्हने घोड़लियो मँगवाय
5-दर्जी ने पर्चो दिखलायो रामदेव अवतारी
अरे दास अशोक सुणावे बाबा सुणलो अर्जी म्हारी
हिवड़ा में संतोष दिलाओ-2
राम रूणिचे रा धणिया
घोड़लियो मँगवाय म्हारी माँ म्हने घोड़लियो मँगवाय
घोडे चढ़ ने घूमण जासु घोड़े चढ़ ने घूमण जासू
घोड़लियो मँगवाय म्हारी माँ म्हने घोड़लियो मँगवाय
ऐ मने घोड़लियो मंगवा म्हारी माँ मैने घोड़लियो मंगवा
आपको भजन कैसे लगे कृपया कमेंट करके जरूर बताये। धन्यवाद
0 टिप्पणियाँ