बाबा रामदेव भजन 

खम्मा खम्मा भजन

साखी-बाज रया हे तन्दुरा 
बाबे रे दरबार 
खम्मा खम्मा गावे हे 
झांझर री झणकार 

भजन 

टेक-खम्मा खम्मा हो रामा रुणिचे रा धणिया
थाने तो ध्यावे आखो मारवाड़ हो 
आखो गुजरात हो 
अजमाल जी रा कँवरा 
खम्मा खम्मा हो रामा रुणिचे रा धणिया

1-भादवडा री दूज ने चमक्यो जी सितारों 
पालणिया में झूलणे आयो पालण हारो
द्वारिका रा नाथ झूले पालणिये हो रामा 
द्वारिका रा नाथ झूले पालणिये 
अजमाल जी रा कँवरा
खम्मा खम्मा हो रामा रुणिचे रा धणिया


2-बड़ा हे बिरमदेव छोटा रामदेव जी
धोरा री धरती में आया आया रामदेव जी
कुमकुम रा पगल्या मांड्या आगणिए
हो रामा कुमकुम रा पगल्या मांड्या आगणिए
अजमाल जी रा कँवरा 
खम्मा खम्मा हो रामा रुणिचे रा धणिया

3-सिर पे कलंगी तुर्रो केशरिया हे जामो
भगता री पीड़ हरे भोल्डो पीर रामो
भगता रो मान बढ़ावणीया 
हो रामा भगता रो मान बढ़ावणीया
अजमाल जी रा कँवरा 
खम्मा खम्मा हो रामा रुणिचे रा धणिया

4-माता मेणादे जारा पिता अजमाल जी 
सुगणा रो बीर राणी नेतल रा भरतार जी
जगमग ज्योत जगावणिया हो रामा 
जगमग ज्योत जगावणिया 
अजमाल जीरा कँवरा 
खम्मा खम्मा हो रामा रुणिचे रा धणिया

5-डाली बाई बाबा थारा पगल्या पखारती
लाचा और सुगणा बाई करे हरी री आरती
हरजी भाटी रे मन भावणीया हो रामा
हरजी भाटी रे मन भावणीया 
अजमाल जी रा कँवरा 
खम्मा खम्मा हो रामा रुणिचे रा धणिया

आपको भजन केसा लगा कृपया कमेंट करके जरूर बताये। धन्यवाद